Барааны тайлбар:

ХХ зууны Монголын түүхэнд хүндтэй байр эзлэх эмэгтэйчүүдийн нэг бол VIII Богд Жавзандамба хутагтын хатан Эх дагина Дондогдулам юм. “Шашин төрийг өрнүүлэгч, Улсын эх дагина Дондогдулам “ хэмээх өргөмжлөлтэй энэхүү эрхэм хүний талаар Дамбын Төрбат гуай Эх Дагины Далд Түүх хэмээх намтар романыг туурвисан байна. Таалан болгооно уу. Эх дагина торгонд хөлбөрч, тосонд умбасан хатан дээдсийн хуурмаг ямбанд автсан хүн биш байлаа. Моринд эрэмгий, мэргэн буудагч, оёдол үйлэнд уран, шашин номд ачлалтай жирийн монгол эмэгтэй хүн шиг, сайн эхнэр шиг амьдарч байсан юм хэмээн судлаачдын дүгнэсэн нь бий.

Дондогдулам хатан бол боловсролтой ухаантай эмэгтэй байсны хувьд монгол эмэгтэй хүний нэгэн сайхан дүр төдийгүй Богд хааны туйлын дотно шадар, үнэнч зөвлөх, түшиг тулгуур нь болж байжээ. Мөн тухайн үед Богд хааных маш олон хүүхэд өргөж авч, асарч тэжээдэг байсан нь Монгол хатдын эртнээс улбаатай өнчид, нялхсыг тэтгэн асрах буянт үйлийг үргэлжүүлж байсны илрэл болно.

#491